ՈՐՈՆՈՒՄ
Լոյսը կը փնտռեմ խաւարին մէջ,
Լոյսը կը փնտռեմ եւ լոյսերուն մէջ.
Լոյսը խաւար է, եւ իրաւ լոյսը
Երազային ձգտում մըն է…:
Անաղարտ սէր կ’որոնեմ սէրերուն մէջ,
Անաղարտ սէր կ’որոնեմ եւ ատելութեան մէջ.
Սէրը ատելութիւն է, եւ իրաւ սէրը
Սոսկ տենչանք մըն է…:
Յաւերժութեան կը ձգտիմ կեանքիս մէջ,
Յաւերժութեան կը ձգտիմ եւ մահէս վերջ.
Յաւերժութիւնը մահն է, եւ հէք բանաստեղծին
Լոկ պատրանքն է…:
1985