ՄԱՅՐԱՄՈՒՏ
Մենք կ’երթանք մեր պատմութեան մայրամուտին,
Ստեղծագործ միտքը մեր զոհած խաւարի դահիճներուն։
Շիջած է հիմա փարոսը մեր պայծառ երազանքին,
Հրաշագործ հայու ոգին մտած է իր խո՜ր մահաքունին։
Աւա՜ղ, կ’երթանք մեր պատմութեան մայրամուտին,
Կքած են սարերը արծուաբոյն, կաղնիները հազարամեայ,
Խիղճն ենք հանած վաճառքի ոստաններով թափառական,
Կը շրջինք մոլոր, քանզի կ’երթանք մեր մայրամուտին։
2021